រថយន្តបុកម៉ូតូបណ្តាលឱ្យរបួសធ្ងន់ម្នាក់ នៅក្រុងបានលុង
18-September-2018 | ដោយ ពលមនសិការ
រតនគិរី៖នៅវេលាម៉ោង១២និង៣០នាទីថ្ងៃទី១៦ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍រវាងរថយន្ដនិងម៉ូតូនៅចំណុចកែងមន្ទីរទេសចរណ៍ខេត្ត ស្ថិតក្នុងភូមិ ជ័យជំនះ សង្កាត់ឡាបានសៀក ក្រុងបានលុង។
សមត្ថកិច្ចបានឱ្យដឹងថាអ្នកបើកបររថយន្ដម៉ាកតូយូតាធុនត្រា ពណ៌ស ពាក់ស្លាកលេខភ្នំពេញ 2AG-9896 មានឈ្មោះ ញ៉ែម ស៊ីណា ភេទប្រុស អាយុ៣២ឆ្នាំ ជនជាតិខ្មែរ មានទីលំនៅ ខណ្ឌដង្កោភ្នំពេញ មុខរបរអាវុធហត្ថ។អ្នកបើកបរម៉ូតូម៉ាហុងដាវ៉េវឆ្លាម ពណ៌ខ្មៅ មានឈ្មោះឃុត ចាឡឹងខ្លឹង ភេទប្រុស អាយុ៥៦ឆ្នាំ ជនជាតិគ្រឹង មានទីលំនៅភូមិសឹក ឃុំតាអង ស្រុកកូនមុំ ខេត្តរតគិរី មុខរបរកសិករ (រងរបួសក្បាលផ្នែកខាងក្រោយធ្ងន់)។បច្ចុប្បន្នជនរងគ្រោះត្រូវបានដឹកទៅសង្គ្រោះនៅមន្ទីរពេទ្យបង្អែក ចំណែកវត្ថុតាងទាំងពីរត្រូវបានវាស់វែងយកទៅរក្សាទុកនៅការិយាល័យចរាចណ៍ផ្លូវគោកដើម្បីរង់ចាំការដោះស្រាយ៕
ចំនួនអ្នកទស្សនា
- ថ្ងៃនេះ491
- ម្សិលមិញ16391
- សប្តាហ៍នេះ46721
- ខែនេះ161871
- ឆ្នាំនេះ161871
- សរុប20604327